Ofta er tað ein avbjóðing hjá fyritøkum og stovnum at halda skil á feriudøgum og avspákingarsaldo hjá starvsfólkum. Men við Nema TÍÐ er skjótt og lætt at halda stýr á hesum, tí tá ið allir arbeiðstímar, feriudagar og avspákingardagar verða skrásettir, heldur skipanin sjálv skil á, hvussu nógvir feriudagar eru eftir, og um starvsfólk eiga avspáking til góðar.

Við App/Web modulinum ber til at stempla sína tíð umvegis fartelefon ella web-browsara, óansæð hvar starvsfólk eru. Til ber at nýta øll sløg av fartelefonum, bæði Andoid, iOS og Windows. Eisini ber til at nýta ymiskar browsarar til web-stempling.

Flestu kundar kenna væl Excel, ið er eitt gott og fleksibult amboð til at rokna út og síggja ymisk hagtøl. Vit hava tí knýtt Nema TÍÐ at Excel, har kundar, umvegis eina sergjørda Pivot tabel (BI), hava sera góðar og fleksiblar møguleikar fyri at taka viðkomandi hagtøl út.

Hjá fleiri kundum kann fakturering av tímum vera ein stór avbjóðing. Tí tað er so skjótt at gloyma, hvør gjørdi hvat og nær, samstundis sum nógv eyka arbeiði er at skráseta tímar manuelt í eina bókhaldsskipan. Við Nema TÍÐ kann hetta gerast nógv lættari og rættari við at skráseta tímar beinleiðis á sakir í Lundanum (til ber eisini at arbeiða saman við Navision).

Tá ein sak er stovnað í bókhaldinum, verður hon sjónlig í Nema TÍÐ, og til ber at skráseta tímar beinleiðis á sakina. Tá ein leiðari hevur góðkent tímarnar, verða teir fluttir inn á sakina í bókhaldinum og eru klárir at útfakturera.