Fíggjarfrøðingur til Nema

Vilt tú vera við til at menna og automatisera okkara fíggjargongdir, og samstundis gerast ein týðandi sparringsfelagi fyri alla fyritøkuna? So vilja vit fegin hoyra frá tær!  Nema leitar eftir einum sterkum fíggjarfrøðingi (financial controller) við serligum denti á rakstur, dátugreining og roknskaparligar arbeiðsgongdir. Starvið er fulla tíð við byrjan 1. mars ella skjótast hareftir. Um starvið Sum fíggjarfrøðingur hjá Nema verður tú ein lyklapersónur í at optimera okkara roknskaparmannagongdir og tryggja góðsku og álítandi grundarlag í okkara roknskapar­dátum, samstundis sum tú røkir og umsitur vanligar roknskaparuppgávur. Tú fert eisini at hava ein týðandi leiklut sum sparringsfelagi fyri fyritøkuna, við serligum denti á fíggjar­dátugreining og KPI-frágreiðingar. Tín uppgáva verður at tryggja, at roknskaparmannagongdirnar virka væl, og at dáturnar í roknskapinum eru rættar og álítandi. Hetta er grundarlagið fyri at kunna leggja fram eitt haldgott roknskaparyvirlit, men er eisini avgerandi fyri arbeiðið við fíggjarætlan, eftirmeting og frágreiðing av KPI-lyklatølum. Við denti á góðsku í roknskaparmannagongdunum, sjálvvirkjan og KPI-eftirfylging, fert tú at verða við til at flyta fíggjar­deildina á eina meira nútímans kós. Tínar fremstu uppgávur vera Eftirlit (controlling) og bókhaldsuppgávur Sjálvvirkjan og menning av fíggjargongdum Dátugreining og fíggjarfrágreiðingar At stuðla fíggjarætlanararbeiðinum At vera ein fakligur viðleikari fyri raksturin, við denti á innlit, samanhangir og lyklatøl Vit vænta tí, at tú Hevur eina hægri búskaparútbúgving, t.d. HD (1, 2), Cand.merc. ella Cand.oecon. Ert sterk/ur analytiskt Arbeiðir sjálvstøðugt og skipað Hevur royndir við PowerPoint, Excel og Power BI Dugir at byggja góð og álítandi sambond tvørtur um alla fyritøkuna Afturfyri bjóða vit Ein fakliga spennandi leiklut við stórari ávirkan á menningina av fíggjarfunktiónini Møguleika at seta tín dám á talgilding og sjálvvirkjan í Nema Eina deild við fakliga sterkum starvsfeløgum og breiðum samstarvi innanhýsis Eitt gott arbeiðsumhvørvi við góðum starvsfólkum og einari rúgvu av ágóðum  Góða kantinu og starvsfólkatiltøk árið runt  Um Nema Nema er ein føroysk fyritøka, ið skapar kapping og samstundis gongur á odda í menningini av føroyska samskiftis- og KT-marknaðinum. Nema er ein fyritøka í stórum vøkstri, og okkara úrslit seinastu árini hava verið framúr góð. Harumframt hava vit eitt gott og óformelt arbeiðsumhvørvi við á leið 70 starvsfólkum á okkara deildum í Tórshavn og Klaksvík. Løn og setanartreytir Fasta arbeiðsplássið verður á deildini hjá Nema í Havn. Løn verður sambært førleikum. Hevur tú spurningar, ert tú hjartaliga vælkomin at venda tær til fíggjarleiðara, Christian Svejdal, á teldupost csv@nema.fo ella á telefon 502056. Tá tú søkir, vinarliga send okkum eitt CV saman við eini umsókn, har tú lýsir viðkomandi royndir og førleikar. Umsóknarfreistin er 16. januar 2026. Søk starvið Aðrir starvsmøguleikar á Nema

Tíðindaskriv frá Nema til vinnukundar

Hjá Nema arbeiða vit støðugt við at gera tænasturnar betri og meira haldgóðar fyri okkara vinnukundar. Seinastu árini hava vit gjørt fleiri størri íløgur, sum bæði styrkja KT-trygdina og gera raksturin tryggari og støðugari. Umframt hetta varpa vit eisini ljós á teir ágóðar, ið tú fært sum vinnukundi hjá okkum. Við nýggjum íløgum og framgongd fylgja eisini nakrar prístillagingar. Tær eru ein natúrligur partur av arbeiðinum at tryggja dygd, menning og størst møguligt virði fyri tykkum sum kundar. Ágóðar til tíni starvsfólk Fyrimunir til familjuna Vistu tit av, at sum vinnukundi hjá Nema bjóða vit fleiri fyrimunir til tykkara starvsfólk, ið gagna bæði arbeiði og familjulívi? Millum annað kunnu starvsfólk, har fyritøkan rindar fyri fartelefonhaldið, stovna eitt telefon- og/ella internethald til familjuna við stórum avsláttri hvønn mánaða. Áhugavert? Trýst her, útfyll formularin á síðuni, so venda vit aftur sum skjótast og finna røttu loysnina. 2 fyri 1 appin Vistu tit av, at øll tykkara starvsfólk, ið eru fjarskiftiskundar hjá okkum, eisini fáa ágóðan av 2 fyri 1 appini, har tú og tíni kunnu njóta gott av góðu tilboðunum og harvið spara pening í gerandisdegnum? Við 2 fyri 1 appini fært tú meira fyri pengarnar, og uppaftur meira burtur úr tínum telefonhaldi. Í stuttum fært tú meira gleði burturúr tí, tú longu rindar fyri. Vit miðja altíð eftir at økja um úrvalið við fleiri tilboðum, bæði frá nýggjum og verandi veitarum. Við 2 fyri 1 appini hava okkara kundar longu spart meira enn 900.000 krónur tilsamans við at njóta góðu tilboðini og upplivingarnar, ið appin bjóðar. Tak 2 fyri 1 appina niður her: KT-trygd KT-trygd hevur ongantíð verið týdningarmiklari enn nú. Krøvini til KT-trygd økjast støðugt, og Nema hevur í fleiri ár arbeitt miðvíst við at menna mannagongdir, politikkir og innanhýsis eftirlit. Tí hevur Nema styrkt arbeiðið á økinum og sett ein nýggjan trygdarleiðara í starv, sum skal tryggja, at vit altíð eru á odda innan KT-trygd. Við KT-trygdarkanningunum frá Nema fáa fyritøkur greiða mynd av støðuni hjá sær og kunnu taka stig til at verja seg móti álvarsligum álopum og dátulekum. Ynskja tit at hoyra nærri um KT-trygdarkanningar? Fyll teigarnar út, og tit frætta aftur frá okkum sum skjótast. Íløgur, ið muna Vit hava lagt nógva orku í at gera Nema sterkari, og seinastu árini hevur Nema gjørt fleiri stórar íløgur, bæði í tøkni, menning og tænastur. Hetta við tí fyri eyga at tryggja, at tú sum kundi altíð hevur eina góða, støðuga og modernaða uppliving. Nýggja netið Tá Nema gjørdi íløgur í at styrkja farnetið, var tað ein stór og týðandi avgerð fyri okkum sum fyritøku. Endamálið var at tryggja kundunum eitt betri og meir álítandi samband. Hetta var ikki bara ein teknisk avgerð, men ein langtíðar íløga í dygd, trygd og betri tænastu – eitt stig á leiðini at geva kundunum meira enn bara eitt telefonhald. Nýggi nethandilin Ein av nýggjaru íløgunum er okkara spildurnýggi nethandil. Við nýggja nethandlinum bjóða vit kundum okkara túsundtals fleiri vørur - alt frá teldum og telefonum til tilhoyr og hentari tøkni. Alt hetta fyri enn hvassari prísir. Hetta er eitt týðandi stig í arbeiðinum at gera upplivingina hjá kundanum einfaldari, greiðari og meira gagnliga. Prístillagingar Við fleiri nýggjum og stórum íløgum og framgongd á fleiri økjum, fylgja eisini nakrar prístillagingar á telefoni og skipanum, ið eru galdandi frá 1. desembur 2025. Ynskja tit at hoyra nærri um, hvussu hesar prístillagingar ávirka tykkum, so eru tit vælkomin at seta tykkum í samband við tykkara vinnukundaráðgeva ella ringja á tlf. 20 20 20 Set teg í samband við okkum Nýggjastu vørurnar frá Apple fáast hjá Nema Annað nýtt frá Nema

Tíðindaskriv frá Nema til privatkundar

Hjá Nema hava vit altíð fingurin á pulsinum. Vit leggja nógva orku í at skapa meirvirði og góðar upplivingar fyri okkara kundar. Tað snýr seg einfalt um, at tú altíð fært meira enn bara eitt telefonhald, tá tú ert kundi hjá Nema. Seinastu árini hava vit gjørt nógvar íløgur og við framgongd fylgja eisini nakrar prístillagingar. Prístillagingar eru ein natúrligur partur av arbeiðinum at tryggja dygd, menning og størst møguligt virði fyri tykkum sum kundar. Alt hetta kanst tú lesa um í hesum tíðindaskrivinum. Nýtt á 2 fyri 1 Við 2 fyri 1 appini fært tú dupult so nógv fyri pengarnar, og møguleikan at spara eina rúgvu av pengum. Tað merkir í stuttum, at tú fært meira gleði burturúr tí, tú longu rindar fyri. Vit miðja altíð eftir at økja um úrvalið á appini, bæði frá nýggjum og verandi veitarum. 2 fyri 1 tiltøk við nærveru 2 fyri 1 appin leggur upp til nærveru á ymsar hættir. Regluliga skipa vit fyri tiltøkum, har allir 2 fyri 1 brúkarir kunnu njóta eina góða løtu saman við einum, ið tey eru góð við. Millum fyriskipaðu tiltøkini kunnu vit nevna Undirgrund-konsertina við Swangah, undanfrumsýningin av It Ends With Us í Havnar Bio, hugnaligu stovukonsertina við Beinir, biografsýningin av føroyska barnafilminum Palla Halaleysa og hugnaløtan í Café Fríðu í samband við árliga tónleikatiltakið FMA. Stórar árligar kappingar við 2 fyri 1 Síðsta summar vóru vit í gávuhýri og burturlutaðu eina ferð fyri tvey til London, við uppihaldi og 5000 kr. í lummapeningi. Vinnarin av kappingini gjørdist Annbjørg Abrahamsen. Fyrr í ár høvdu vit eisini eina kapping um eina nátt fyri tvey í svituni á Hotel Brandan við morgunmati, tríggjar rættir á Húsagarði, einum tíma í hitapotti umframt eina perlandi gávu. Vinnarin av tí kappingini gjørdist Miriam Borg. Vinn eina hondbóltsferð fyri tvey Nú hava vit aftur sett hol á eina kapping. Hesuferð er møguligt hjá 2 fyri 1 brúkarunum at vinna eina ferð fyri tvey til Oslo. Flogferðaseðlar, uppihald á 4 stjørnaðum hotelli og atgongumerki til hondbóltsdystirnar hjá Føroyum, eru partur av vinninginum. Vit kasta lut millum øll tey, ið nýta 2 fyri 1 appina frá 15. oktobur til og við 30. novembur. Les meira Okkara kundar hava longu spart yvir 900.000 krónur! Við 2 fyri 1 appini hava kundar hjá Nema longu spart meira enn 900.000 krónur við at njóta góðu tilboðini og upplivingarnar, ið appin bjóðar. Tú kann eisini taka appina niður í dag og byrja at spara upp á alt tað stuttliga. Heinta 2 fyri 1 appina Íløgur, ið muna Nema er sterkari Vit hava lagt nógva orku í at gera Nema sterkari, og seinastu árini hevur Nema gjørt fleiri stórar íløgur – bæði í tøkni, menning og tænastur. Hetta fyri at tryggja, at tú sum kundi altíð hevur eina góða, støðuga og modernaða uppliving. Tá Nema gjørdi íløgur í at styrkja netið, var tað ein stór og týðandi avgerð fyri okkum sum fyritøku. Mastrarnar hjá Nema vórðu niðurlagdar, og nýggja netið er við til at tryggja kundum okkara eitt betri og meir álítandi samband. Hetta var ikki bara ein teknisk avgerð, men ein langtíðar íløga í dygd, trygd og betri tænastu. Nýggjur nethandil Ein av nýggjaru íløgunum er okkara spildurnýggi nethandil. Við nýggja nethandlinum bjóða vit kundum okkara túsundtals vørur, alt frá teldum og telefonum til tilhoyr og hentari tøkni. Nýggi nethandilin tryggjar eisini, at okkara kundar fáa besta prísin. Hetta er eitt týðandi stig í arbeiðinum um at gera upplivingina hjá okkara kundum einfaldari, greiðari og meira gagnliga. Nethandil Prístillagingar Við fleiri nýggjum og stórum íløgum, fleiri tiltøkum, betri tíðum og tilboðum á 2 fyri 1 appini, umframt framgongd á fleiri økjum, fylgja eisini ávísar prístillagingar. Tillagingarnar eru ein natúrligur partur av arbeiðinum at tryggja dygd og menning soleiðis, at vit framvegis kunnu bjóða tykkum bestu tænasturnar, nýggjastu loysnirnar og mest virði fyri pengarnar. Frá 1. desembur 2025 verða hesar prístillagingar framdar: Einstaklingahaldið við 15GB lækkar við 10 kr. um mðr. Familjuhaldini og Farnet hækka samsvarandi talvunum niðanfyri: Spurningar? Hevur tú spurningar til títt telefonhald ella annað, ert tú vælkomin at ringja á tlf: 202020

Tíðindabræv – Oktobur 2025

Eftir hálvstuttan steðg í summar seta vit nú aftur hol á tíðindabrøvini, ið serliga eru ætlað vinnuni.Vit síggja stóra menning í vinnulívinum, har tøkni og trivnaður ganga hond í hond. Í hesum høpi eru vit fegin um at boða frá, at Nema nú umboðar Kyocera í Føroyum – eitt samstarv, sum gevur nýggjar møguleikar til dygd, trygd og burðardygd í dagliga rakstrinum. Kyocera Sum nøkur av tykkum kanska longu vita, so hava vit hjá Nema nú undirskrivað sáttmála við altjóða framleiðaran Kyocera, sum merkir, at vit nú er einaveitarar av Kyocera printarum og prentloysnum í Føroyum. Framyvir fært tú sostatt allar Kyocera-prentloysnir, tænastur og stuðul beinleiðis frá Nema – við føroyskum fakfólki, skjótari hjálp og tryggari ráðgeving. Okkara dugnaliga toymi hevur í sama viðfangi lokið Kyocera-skeiðið og eru sostatt góðkendir seljarar og tøkningar. Kyocera er kent um allan heim fyri sína høgu góðsku, haldføru loysnir og grønu hugsan, og saman við Nema verður tryggjað, at føroyskar fyritøkur og stovnar fáa prent- og dokumentloysnir, sum eru bæði dygdargóðar og burðardyggar. Nethandilin Á nethandlinum finnur tú flest alt innan KT-útgerð, printarar, tónarar, teldlar, telefonir, tilhoyr og aðrar snildar loysnir, ið gera arbeiðsdagin lættari. Stovnar tú teg harafturat sum vinnubrúkara, verður innkeypið enn lættari at avgreiða. Trýst á leinkið niðanfyri ella støkk inn á gólvið á Smyrilsvegi 5 í Havn ella Klaksvíksvegi 80 í Klaksvík. Vitja nethandilin Stovna teg sum vinnubrúkara Windows 10 Frá 14. oktobur 2025 gevur Microsoft ikki longur dagføringar ella trygdarviðgerðir til Windows 10. Hetta merkir, at teldur, sum framvegis brúka Windows 10, kunnu verða meiri útsettar fyri trygdarálopum og feilum, tí skipanin ikki verður viðlíkahildin longur. Vit vilja tí mæla tykkum til at flyta yvir á Windows 11 ella keypa eina nýggja teldu, sum hevur nýggjastu stýrisskipanina. Tað tryggjar, at tú framvegis fært nýggjastu førleikarnar og verju móti trygdarálopum. Vinnukagin gevur fyritøkum møguleika at hava tamarhald á sínum fjarskiftisloysnum frá Nema.Har ber til at umsita hald og brúkarar sjálvi – stovna, broyta ella sløkkja, tá tørvur er á – og fáa alt samlað á einum stað. Dagføringar í Vinnukaganum Vit hava gjørt Vinnukagan enn smidligari við nýggjum hentleikum og betringum, sum gera umsitingina skjótari og lættari: Yvirlit yvir datanýstlu Fráboðar óvirkin hald aftaná 3 mánaðar Betra um trygdina Ymsar feilrættingar Ynskja tit at hoyra meir um Vinnukagan? Fyll teigarnar út niðanfyri, og vit seta okkum í samband við tykkum skjótast gjørligt. Nýggjastu vørurnar frá Apple fáast hjá Nema Set teg í samband við okkum Annað nýtt frá Nema

Palli Halaleysi á 2 fyri 1

Nú hava Nema telefonkundar møguleika at bjóða onkrum við í biograf í heystfrítíðini til Palla Halaleysa. Sýningin verður hósdagin 16. oktobur kl. 13, og atgongumerkini eru longu komin til sølu. Svenski klassikarin um Palla Halaleysa frá 2020 byggir á kendu barnabøkurnar hjá Gösta Knutsson, sum komu út frá 1939 til 1972, og snýr seg um tann góðsliga kettlingin við ongum hala. Filmurin hevur einki aldursmark, og hann egnar seg tí væl til øll børn og barnsligar sálir. Og tað besta av øllum er, at hann sjálvsagt er á føroyskum. Seinastu tíðina hevur Kringvarp Føroya arbeitt við at týða, taka upp og leggja føroyskar røddir á filmin. Á heimasíðuni hjá Kringvarpinum stendur at lesa, at føroyska framleiðslutoymið hevur lagt stóran dent á gott føroyskt mál. Tí tosa allar løður og frensar, hundar og onnur djór í filminum føroyskt — við okkara egna málføri. Palli Halaleysi er norðoyingur, og tað eru bæði bóndin og revurin eisini. Í stórbýnum eru tilflytarar úr øllum landinum, eins og vit kenna tað her heima — bæði úr Suðuroy, Vágum, Sandoynni, Nólsoy og eisini úr Havn. Filmurin líkist eisini einum sangleiki, tí fleiri sera góðir sangir eru við, sum vit kunnu gleða okkum til at hoyra. Ynskja tit at keypa 2 fyri 1 atgongumerki til sýningina, so er bara at koma á gátt í Nema handlinum, annaðhvørt í Havn ella í Klaksvík, og ogna tær tykkara atgongumerki. Við í prísinum er barnamenu við popkorn og sodavatn. Heinta 2 fyri 1 appina her Øll kunna taka 2 fyri 1 appina niður á telefonina. Fyri at nýta 2 fyri 1 tilboðini,mást tú verða Nema telefonkundi og rita inn við tínum fartelefonnummari.

Øll børn hava nú sama trygga KT-net í skúlanum

Í novembur 2021 skrivaðu Durita Tausen, varastjóri á Gjaldstovuni og Gudny Langgaard, stjóri í Nema, undir avtalu um útgerð og veitingar til Skúlanet, og nú er hetta arbeiðið loksins komið á mál. Hetta merkir sostatt, at allir næmingar og lærarar í Føroyum nú hava sama trygga og vælvirkandi KT-net í skúlanum. Skúlanet veitir net, KT-skipanir, trygd, teldur og brúkarahjálp til næmingar, lærarar og fyrisiting og er tí ein týðandi partur av heildarætlanini fyri undirvísingarstovnar. Allar skipanir og alt net eru savnað í eina felags loysn, sum lýkur trygdarkrøv og gevur bæði stórum og smáum skúlum javnbjóðis møguleikar. Hetta tryggjar lærarum álítandi amboð at arbeiða við og gevur næmingum eitt støðugt og trygt KT-umhvørvi í skúlanum. Við einum miðsavnað­um rakstri verður KT einfaldari og tryggari, og fólkaskúlin tekur samstundis enn eitt stig inn í ta talgildu framtíðina.

Nýggjur KT-trygdarleiðari hjá Nema

Nema hevur sett Ara Torkilsson Johannesen í starv sum leiðara fyri KT-trygd. Við hesum verður verandi arbeiðið við KT-trygd styrkt og ment enn meira, soleiðis at Nema framhaldandi kann tryggja kundum tryggar og álítandi loysnir. Krøvini til KT-trygd økjast støðugt, og Nema hevur í fleiri ár arbeitt miðvíst við at menna mannagongdir, politikkir og innanhýsis eftirlit. Nú verður hetta arbeiðið styrkt við einum serligum leiðara, ið skal hava heildar­ábyrgd á økinum og tryggja, at Nema altíð er á odda innan KT-trygd. Í nýggja leiklutinum fer Ari, saman við leiðsluni, at røkja bæði innanhýsis og uttanhýsis uppgávur. Tað fevnir m.a. um at tryggja, at arbeiðsgongdir og skipanir hjá Nema fylgja teimum krøvum, sum verða sett í vinnuni, og at kundarnir fáa bestu ráðgeving og vernd í einum alsamt meira talgildum heimi. Ari er 28 ára gamal. Umframt ymiskar arbeiðsroyndir í Føroyum og í Danmark, hevur Ari eina masterútbúgving frá DTU við serkunnleika í nettrygd. Hann kemur við drúgvum royndum, bæði úr Føroyum og uttanlands. Hetta gevur honum sterkan fakligan grundvøll at byggja víðari á tað týdningarmikla arbeiðið, ið longu verður gjørt hjá Nema. – "Eg gleði meg at byrja í Nema og leggja mítt íkast til at menna og styrkja KT-trygdina. Økið er í støðugari menning og hevur stóran týdning fyri bæði fyritøkur og samfelagið. Við mínum royndum vil eg arbeiða málrættað við at tryggja góðar innanhýsis mannagongdir og samstundis veita kundunum ráðgeving, sum kann gera teir tryggari og meira tilreiðar í einum alsamt meira talgildum umhvørvi", sigur Ari Torkilsson Johannesen. Ari byrjar í starvinum 1. oktobur.

Nema stuðlar – GameJam

GameJam – eitt íkast til føroysku spælivinnuna. Farna vikuskifti, dagarnar 5.-7. septembur, var árliga og afturvendandi tiltakið GameJam á skránni, og aftur í ár vóru vit hjá Nema ernir stuðlar til tiltakið. Endamálið við GameJam er at menna og styrkja føroysku spælivinnuna. Sum KT-fyritøka ynskja vit at eggja til nýhugsan og menning á økinum, og tí eru vit sera fegin um at kunna taka lut og leggja okkara íkast til hetta týdningarmikla tiltakið. Hvat er GameJam? GameJam er eitt altjóða kent konsept, har luttakararnir fáa stutta tíð – vanliga 48 tímar – til at menna eitt nýtt spæl. Tá tiltakið byrjar, verður eitt evni avdúkað, og tað verður brúkt sum grundarlag í menningararbeiðinum. Hetta merkir, at hugskot, spæl, og prototypa skulu skapast og latast inn innan ásettu freistina. Evnini eru ymisk frá ári til ár, men verða ofta hildin einføld og breið. Í ár var evnið Fløkja. Aftur í ár var luttakaratalið stórt og nógv áhugaverd og ymisk spøl spurdust burturúr, bæði telduspøl og borðspøl. Á myndini omanfyri síggjast vinnararnir, ið vunnu kappingina av telduspølum.

Stuðul

Cesar salat frá Hotel Brandan er aftur

Nú kanst tú aftur eta 2 fyri 1 Cesar salat í hugnaligu lobbykaféini Landmark á Hotel Brandan. Tú kann velja millum Cesar salat við høsnarunga ella falaffel. Tilboðið er galdandi allar gerandisdagar frá 12.00 - 14.00. Cesar salat Ein góð salat smakkar bara enn betri, tá ið hon verður etin saman við øðrum.  Bjóða einum, ið tú ert góð/ur við, eina Cesar salat á miðmála frá Hotel Brandan. Tilboðið er galdandi mánadag til fríggjadag millum kl. 12 - 14. Fylg við á sosialum miðlum So sært tú altíð tey nýggjastu 2 fyri 1 tilboðini, fær kunning um kundatiltøk, og møguleikan at luttaka í einari rúgvu av kappingum. Heinta 2 fyri 1 appina her Øll kunna taka 2 fyri 1 appina niður á telefonina. Fyri at nýta 2 fyri 1 tilboðini,mást tú verða Nema telefonkundi og rita inn við tínum fartelefonnummari.

Kom í biograf hvønn dag í septembur

Sum nakað nýtt kunnu allir 2 fyri 1 kundar nú njóta gott av biografinum hvønn dag í septembur. Tú keypur eitt atgongumerki og vit rinda fyri hitt. Tú avgreiðir keypið sum vant inni á heimasíðuni www.bio.fo og tøppar inn avsláttarkotuna, ið liggur á 2 fyri 1 appini. Minst til! Tilboðið er galdandi fyri allar sýningar, tó undantikið filmar frá Filmsfelagnum. Eitt úrval av septemburskránni Ternet Ninja 3 Set teg afturá og njót triðja og seinasta filmin um puntutu ninjadukkuna, ið altíð er til reiðar at berjast fyri rættvísi og sleppa sær undan trupulleikunum - á sín heilt serliga hátt. The Roses Handan leiktjøldini av friðsælu og kærleika fjalir hjúnarbandið seg, ið stendur á eggini til ruðuleika. The Roses er søgan um, tá ið kærleiki verður til kríggj. Hjem kære hjem Ein innilig og ektað frásøgn um, hvat hendir, tá ið ein ikki megnar at veita umsorgan fyri teimum menniskjunum, man elskar. Fylg við á sosialum miðlum So sært tú altíð tey nýggjastu 2 fyri 1 tilboðini, fær kunning um kundatiltøk, og møguleikan at luttaka í eina rúgvu av kappingum. Sí fleiri 2 fyri 1 tilboð