Sølulærlingur til privatkundatoymið

Vilt tú hava avbjóðingar og persónliga menning, og ynskir tú at gerast stinnari í sølu og kundarøkt?
Nema søkir eftir sølulærlingi. Kom við og ver partur av rúkandi menningini innan kunningar- og samskiftistøkni í Føroyum.

Starvið

Tú verður partur av einum toymi, sum veitir serliga ráðgeving og sølu av telefon og internethaldum. Umframt sølu og ráðgeving umvegis telefon- og teldupostavgreiðslu, fert tú at arbeiða nógv við at fyrireika søluátøk, útgangandi sølu og nógvum øðrum spennandi uppgávum.
Talan er um eitt fulltíðarstarv, har tú fert at húsast hjá Nema í Tórshavn, men uppgávur uttan fyri kunnu eisini væntast.

Tú

Tú ert hugaður at læra, tænastusinnað/ur, opin og forvitin. Tú ert eisini fyrikomandi og málsøkin og kanst arbeiða sjálvstøðugt eins væl sum í toymi. Tú dugir at samskifta bæði skrivliga og munnliga, og tær dámar at skapa varandi sambond, ið gagna bæði kundanum og handlinum.

Vit bjóða

Eitt gott, fjølbroytt og spennandi starv í einum professionellum umhvørvi, har tú fært møguleikar at menna teg persónliga og fakliga og sleppur at seta tín dám á arbeiðsdagin. Tú fært uppgávur og ábyrgd í samsvari við tínar vaksandi førleikar. Løn og setanartreytir sambært sáttmála.

Um Nema

Er ein av størstu heildarveitarum innan kunningar- og samskiftistøkni. Her starvast umleið 75 fólk í Havn og Klaksvík, og virksemið er nógv vaksandi á fleiri økjum.

Forvitin?

Vilt tú vita meira um starvið, ert tú vælkomin at seta teg í samband við Sigurð J. Simonsen á tel. 502047 ella á sjs@nema.fo.

Umsóknir

Umsóknir skulu vera okkum í hendi í seinasta lagi mánadagin 24. novembur 2023