Vit eru sera fegin at kunna boða frá, at okkara nýggi nethandil er klárur. Nú verður tað lættari enn nakrantíð at bíleggja vørur, halda yvirlit og fáa góð tilboð.
Áðrenn tú kanst nýta nethandilin, mugu vit upprætta ein brúka til tín og/ella tína fyritøku. Tí vilja vit heita á teg um at fylla út teigarnar, so vit kunnu skráseta teg/tína fyritøku og geva tykkum atgongd.
Fyll út teigarnar niðanfyri
Hevur tú spurningar, ert tú vælkomin at seta teg í samband við okkum
Bergur Enghamar
Vinnuráðgevi
Onnur tíðindi
Gjaldstovan og Nema hava gjørt avtalu um Nema Tíð
Gjaldstovan og Nema hava gjørt avtalu um føroysku tíðarskrásetingarskipanina Nema Tíð. Hetta er fyrstu ferð, at Nema ger eina avtalu við tað almenna um eina av sínum egnu KT-loysnum. Avtalan er ein týðandi varði fyri Nema, og gevur samstundis almennum stovnum ein nýggjan møguleika at velja eina føroyskt menta loysn til tíðarskráseting og umsiting av arbeiðstíð. Nema Tíð er ment í Føroyum og tekur støði í føroyskum arbeiðsviðurskiftum. Skipanin savnar skráseting av arbeiðstíð, uppmøting, feriu, avspáking og yvirtíð á einum stað. Tað gevur betri yvirlit, ger umsitingina munandi lættari og minkar um manuelt arbeiði, so tíðarskrásetingin verður einfaldari og meira samanhangandi. – Vit eru sera fegin um avtaluna við Gjaldstovuna. Vit hava arbeitt miðvíst við at menna og nútímansgera Nema Tíð, og nú fáa vit møguleikan at bjóða loysnina til almennu umsitingina. Hetta er ein stórur varði fyri okkum og ein viðurkenning av tí orku og arbeiði, vit hava lagt í at menna skipanina, sigur Gudny Langgaard, stjóri í Nema. Frá eldri tøkni til nútímans skýloysn (cloud-based)Nema Tíð hevur verið ígjøgnum eina umfatandi tøkniliga menning. Skipanin er nú skýgrundað og kann brúkast á teldu, teldli og fartelefon. Tað merkir, at starvsfólk kunnu skráseta sína arbeiðstíð og fáa yvirlit yvir feriu og fráveru, uttan mun til hvar tey arbeiða. Í menningini hevur dentur verið lagdur á brúkaravinsemi, trygd og smidligar arbeiðsgongdir. Loysnin kann tillagast ymiskum tørvi og er tí egnað til bæði smærri arbeiðspláss og stórar fyritøkur og stovnar við fløktari arbeiðstíðarskipan. Trygd er samstundis ein týðandi partur av virkseminum hjá Nema. Ein grundleggjandi fortreyt fyri, at talgildar skipanir og KT-umhvørvi virka sum ætlað, er, at trygdin er í lagi. Tí arbeiðir Nema miðvíst við KT-trygd og veitir millum annað trygdarloysnir og trygdarkanningar, sum hjálpa fyritøkum og stovnum at verja sínar skipanir og dátur. Tá skipanir arbeiða samanEin serligur fyrimunur við Nema Tíð er møguleikin at knýta skipanina saman við øðrum tænastum hjá Nema. Millum annað kann hon samvirka við vekslaraloysnina Telavox, so upplýsingar um feriu og fráveru kunnu nýtast í telefoniskiftinum. Tað ger tað lættari at samskipa arbeiðsgongdir og tryggja, at uppringingar verða handfarnar rætt, eisini tá starvsfólk ikki eru til arbeiðis. Nýtt stig fyri NemaAvtalan við Gjaldstovuna er fyribils galdandi í trý ár. Fyri Nema er avtalan samstundis eitt týðandi stig í arbeiðinum at fáa føroyskt mentar KT-loysnir út á almenna marknaðin. Nema gleðir seg at koma runt til stovnarnar við nýggju loysnini.
Kom við í okkara KT-trygdartoymi
KT-trygd er ein fastur og raðfestur partur av okkara virksemi. Uppgávurnar á økinum økjast, og tí søkja vit eftir einum starvsfólki afturat, sum saman við okkara verandi toymi skal vera við til at menna og styrkja trygdararbeiðið enn meira. Vit leita eftir tær, sum bæði trívist við at skriva greiðar mannagongdir og at arbeiða við praktiskari KT-trygd. Tú verður partur av KT-deildini, har tú í tøttum samstarvi við starvsfelagar fert at viðlíkahalda og menna okkara skipaða arbeiði við KT-trygd. Um starvið Starvið fevnir um bæði skjalfesting, samskipan og praktiskar uppgávur. Tú verður við til at tryggja, at okkara trygdarkrøv og mannagongdir verða sett í verk, fylgd upp og ment í takt við tørvin. Tínar høvuðsuppgávur verða at: Taka lut í og fylgja upp uppá okkara áhaldandi arbeiði við ISO 27001, eitt nú við at tryggja framdrift og skjalfesting. Gera, dagføra og seta í verk mannagongdir og leiðbeiningar innan kunningartrygd. Gera stikkroyndir og hava eftirlit við eitt nú atgongdum, brúkararættindum og at mannagongdir verða fylgdar. Taka lut í váðametingum og fylgja upp uppá avtalaði trygdartiltøk. Fyrireika skjalfesting til grannskoðan og taka lut í uppfylging og ábótum. Fyrireika og fremja praktisk trygdarátøk saman við restini av deildini. Vegleiða starvsfólk og stuðla undir góðum trygdarvanum í gerandisdegnum. Um teg Vit ímynda okkum, at tú hevur viðkomandi útbúgving ella royndir innan KT, kunningartrygd ella líknandi arbeiði. Tú hevur áhuga fyri bæði tí skipaða og verkliga partinum av KT-trygd, arbeiðir miðvíst og trívist í, at fylgja uppgávum heilt á mál. Vit leggja dent á, at tú: Arbeiðir skipað, varðveitir yvirlitið og fylgir upp. Dugir at skriva greitt og gera mannagongdir, sum eru lættar at skilja og brúka. Hevur tekniskt innlit og hug at arbeiða við praktiskum KT-trygdaruppgávum. Dugir at samstarva og finna loysnir saman við øðrum. Ert nærløgd ella nærlagdur og hevur hug at menna teg fakliga. Kunnleiki til ISO 27001 og royndir við trygdareftirliti, váðametingum ella grannskoðan eru ein fyrimunur. Vit leggja eisini stóran dent á arbeiðshug, ábyrgdarkenslu og evnini at virka sum partur av einum toymi. Vit bjóða Vit bjóða eitt fjølbroytt fulltíðarstarv í einum toymi, har KT-trygd longu er ein týðandi partur av arbeiðinum. Tú fært møguleika at brúka og menna tínar førleikar, umframt at seta tín dám á okkara framhaldandi arbeiði við kunningartrygd. Starvsstaðurin er í Tórshavn, og starvið verður sett skjótast gjørligt. Umsókn og nærri upplýsingar Vilt tú vita meira um starvið, ert tú vælkomin at seta teg í samband við Róa B. Poulsen, tekniskan stjóra, á telefon 502080. Umsókn og lívsrensl skulu vera okkum í hendi í seinasta lagi 14. desembur 2026. Søk starvið her
Nema søkir eftir fíggjarfrøðingi
Vilt tú vera við til at menna og sjálvvirka okkara fíggjargongdir, og samstundis gerast ein týðandi sparringsfelagi fyri alla fyritøkuna? So vilja vit fegin hoyra frá tær! Hjá Nema leita vit eftir einum fíggjarfrøðingi (financial controller), ið dámar væl at arbeiða við sjálvvirkan av fíggjargongdum, er analytisk/ur og ikki bangin fyri at hjálpa til við vanligum bókhaldsuppgávum. Starvið er fulla tíð við byrjan 1. februar 2027. Um starvið Sum fíggjarfrøðingur hjá Nema fært tú ein týðandi leiklut í at menna og betra okkara roknskaparmannagongdir og tryggja, at roknskapurin byggir á rættar og álítandi dátur.Tú verður eisini ein týðandi samstarvspartnari hjá deildunum í Nema, har tú við KPI-frágreiðingum og dátugreiningum verður við til at skapa betri yvirlit og eitt gott grundarlag fyri avgerðum.Harumframt fært tú ein virknan leiklut í at nútímansgera fíggjardeildina, har nýggj tøkni og betri arbeiðsgongdir verða ein týðandi partur av menningini. Tínar fremstu uppgávur vera Eftirlit (controlling) og bókhaldsuppgávur Sjálvvirkjan og menning av fíggjargongdum Fíggjarfrágreiðingar At stuðla fíggjarætlanararbeiðinum At vera ein fakligur viðleikari fyri raksturin, við denti á innlit, samanhangir og lyklatøl Vit vænta tí, at tú Hevur eina hægri búskaparútbúgving, t.d. HD (1, 2), Cand.merc., ella hevur arbeitt við fíggjarstýring. Hevur góð analytisk evni Arbeiðir sjálvstøðugt og skipað Hevur royndir við PowerPoint, Excel og AI Dugir at byggja góð og álítandi sambond tvørtur um alla fyritøkuna Afturfyri bjóða vit Ein fakliga spennandi leiklut við stórari ávirkan á menningina av fíggjarfunktiónini Møguleika at seta tín dám á talgilding og sjálvvirkjan í Nema Eina deild við fakliga sterkum starvsfeløgum og breiðum samstarvi innanhýsis Eitt gott arbeiðsumhvørvi við góðum starvsfólkum og einari rúgvu av ágóðum Góða kantinu og starvsfólkatiltøk árið runt Um Nema Nema er ein føroysk KT- og samskiftisfyritøka, sum gongur á odda í tøkniligu menningini í Føroyum. Vit hava verið í støðugum vøkstri seinastu árini og telja í dag umleið 65 starvsfólk í Tórshavn og Klaksvík. Hjá okkum er arbeiðsumhvørvið opið og óhátíðarligt, har samstarv og trivnaður er í hásæti. Løn og setanartreytir Fasta arbeiðsplássið verður á deildini hjá Nema í Havn. Løn verður avtalað millum partarnar. Hevur tú spurningar, ert tú hjartaliga vælkomin at venda tær til Christian Svejdal, fíggjarleiðara, á teldupost csv@nema.fo ella á telefon 502056. Tá ið tú søkir, vinarliga send okkum eitt CV, saman við eini umsókn, har tú lýsir viðkomandi royndir og førleikar. Umsóknarfreistin er 1. novembur 2026. Søk starvið
Tíðindaskriv til vinnuna
Hjá Nema leggja vit dent á at menna loysnir og tænastur, sum gera mun í gerandisdegnum hjá okkara vinnukundum. Við støði í tørvinum hjá kundunum arbeiða vit støðugt við at betra um okkara skipanir, styrkja okkara tænastur og skapa nýggjar møguleikar. Hesa ferð seta vit sjóneykuna á KT-trygd og tær avbjóðingar, sum fyritøkur standa í, nú KT-álop gerast alsamt meira framkomin. Vit vísa á dømi um álvarsamar trygdarveikleikar og greiða frá, hvussu Nema kann hjálpa tykkum við trygdarkanningum og einari nýggjari loysn við eftirliti alt samdøgrið. Harumframt kunna vit um nýggjastu dagføringina av Nema Tíð, sum hevur fingið nýtt snið og fleiri hentleikar, og Nema Starv, sum nú kann brúkast sum ein sjálvstøðug HR-skipan, óheft av hinum skipanunum hjá Nema. Og sum vant hava vit eisini nøkur góð tilboð upp á KT-útgerð til tykkara. Les meira um tíðindini, dagføringarnar og tilboðini niðanfyri. KT-trygd KT-álop raka breiðari enn nakrantíð, eisini í Føroyum KT-álop gerast alsamt meira framkomin, sjálvvirkandi og torførari at varnast. Og tað eru ikki longur bara teldur, servarar og dátur, sum eru í vanda. Nýggjastu álopini vísa, hvussu víða teldusníkar kunnu raka. Stórar fyritøkur missa atgongd til sínar KT-skipanir, álvarsom trygdarhol fáa myndugleikar at steingja talgildar tænastur, og sjálvt útgerð, sum vit vanliga ikki seta í samband við KT, kann verða misnýtt. Frá matvøruhandlum til føroyskar heimasíður Í Fraklandi fingu teldusníkar ræði á køliskipanum í fleiri hundrað matvøruhandlum. Teir skrúvaðu hitan upp á 50 stig, og stórar nøgdir av matvørum máttu beinast burtur. Samstundis hevur handilsrisin Ahold Delhaize verið noyddur at sløkkja sínar KT-skipanir eftir eitt álop. Og sum flestu okkara helst varnaðust, vórðu fleiri føroyskar heimasíður stongdar, tí álvarsom trygdarhol í PHP fingu myndugleikar kring Evropa at steingja heimasíður og talgildar tænastur. Hetta vísir, at teldusníkar ikki bara fara eftir stórum fyritøkum, men leita eftir veikleikum, har teir eru at finna. Føroyskar fyritøkur eru einki undantak. Vit síggja tað eisini her heima Tá ið vit kanna KT-umhvørvið hjá føroyskum fyritøkum, finna vit viðhvørt álvarsamar trygdarveikleikar. Niðanfyri eru nøkur dømi: Ein óviðkomandi brúkti ein servara til at framleiða kryptogjaldoyra. Viðkomandi hevði gagnnýtt eitt trygdarhol og brúkti bæði servaran og streymin hjá kundanum. Ein gomul brúkarakonta gav framvegis atgongd. Starvsfólkið var farið úr starvi, men onkur brúkti framvegis kontuna til at fáa atgongd til Microsoft-umhvørvið. Ein følsk Dropbox-deiling gav atgongd til teldupostin. Teldusníkurin fekk fatur á bæði loyniorði og MFA-kodu og las meira enn 250 teldupostar, har summir innihildu persónupplýsingar. Hendingin mátti fráboðast Dátueftirlitinum. Felags fyri allar tríggjar hendingarnar var, at eingin hevði varnast nakað.Nær varð trygdin í tykkara KT-umhvørvi seinast kannað? Eru skipanirnar dagførdar? Hava óviðkomandi atgongd? Og hvør tekur sær av støðuni, um eitt álop hendir klokkan trý um náttina? Fá greiðu á KT-trygdini Við eini KT-trygdarkanning kanna vit KT-umhvørvið hjá tykkum, finna møguligar veikleikar og geva tilmæli um, hvat eigur at verða raðfest. Umframt hetta bjóða vit KT-trygd alt samdøgrið, har trygdarserfrøðingar hava støðugt eftirlit við skipanunum og kunnu uppdaga og steðga hóttanum – eisini um náttina og í vikuskiftum. Vilja tit vita meira? Setið tykkum í samband við okkum á [telefon] ella [teldupost], ella fyllið út teigarnar niðanfyri, so venda vit aftur skjótast gjørligt. Skipanir Nema Tíð Nema Tíð hevur fingið eina umfatandi dagføring við nýggjum sniði, betri hentleikum og einari nýggjari app til fartelefonir og teldlar. Skipanin er eisini flutt á netið, so nú ber til at skráseta arbeiðstíð og umsita skrásetingar beinleiðis í kaganum. Við dagføringini eru hesir hentleikar komnir afturat ella betraðir: GeofencingÁsetið, hvar starvsfólk kunnu skráseta arbeiðstíð, t.d. á ávísum arbeiðsstøðum. Dagførdar lønarkoyringarFleiri møguleikar og betri amboð til lønarumsiting. Betri stýring av framtíðarstemplingumStørri tamarhald og fleiri møguleikar at stýra skrásetingunum. Meira upplýsandi toymisyvirlitBetri yvirlit yvir skrásettar tímar, broytingar og hvør hevur gjørt tær. Nýtt yvirlit yvir teljarastøðurDagført snið og betri handfaring av feriutímum. Trygd og tøkni eru dagførdUmfatandi trygdar- og tøkniligar dagføringar styrkja grundvøllin undir skipanini og eru ein týðandi partur av nýggju útgávuni av Nema Tíð. Nýggja útgávan verður latin kundunum stigvíst, og vit seta okkum í samband við tykkum, tá ið túrurin kemur til tykkara. Tit skulu sostatt ikki gera nakað sjálvi í løtuni. Ynskja tit at hoyra nærri um Nema Tíð? Útfyll teigarnar niðanfyri, so seta vit okkum í samband við tykkum skjótast tilber. Nema Starv Starvsfólkini eru týdningarmesta tilfeingið hjá einari fyritøku, og tí er umráðandi at hava góð og álítandi amboð til starvsfólkaumsitingina. Tað er júst her, Nema Starv kemur inn í myndina. Nema Starv er ein HR-skipan, sum savnar alla starvsfólkaumsiting á einum stað. Her kunnu tit halda skil á øllum frá setanarsáttmálum, fráveru og starvsfólkaupplýsingum til førleikar, skeið, útgerð og starvsfólkasamrøður. Tað ger tað lættari at varðveita yvirlitið, fylgja upp og tryggja, at einki verður gloymt. Samstundis sparir tað tíð í umsitingini og gevur betri umstøður at taka sær av tí, sum hevur størstan týdning – starvsfólkunum. Eitt nýtt stig innan starvsfólkaumsiting Við Nema Starv bjóða vit eina nýggja og sjálvstøðuga HR-skipan, sum savnar alla starvsfólkaumsiting á einum stað. Skipanin er løtt at brúka, gevur gott yvirlit og ger umsitingina einfaldari. Nema Starv kann brúkast óheft av Nema Løn og Nema Tíð, men kann eisini knýtast at hinum skipanunum hjá Nema, so upplýsingar verða dagførdar og samskipaðar tvørtur um skipanirnar. Vilja tit vita meira um Nema Starv? Fyllið út teigarnar niðanfyri, so seta vit okkum í samband við tykkum skjótast til ber. KT-útgerð Sertilboð til tykkara Tilboðini eru galdandi so leingi vørurnar eru á goymslu. Onnur tíðindi frá Nema