Leys størv

Nema søkir eftir DevOps mennara

Ert tú klár/ur til at byggja álítandi, trygt og skalerbart infrakervi, sum kann lyfta vøksturin hjá okkum? So vilja vit fegin hoyra frá tær!  Um starvið Sum DevOps mennari hjá Nema fert tú at hava ein lyklaleiklut í at tryggja, at hýsingarumhvørvi okkara er álítandi, trygt og kann skalerast. Tú fert at samstarva tætt við toymið innan infrakervið, forritan og produktmenning fyri at levera automatión, tekniskan stuðul og infrakervis-serkunnleika.  Tín uppgáva er at menna, stýra og optimera Azure umhvørvið hjá Nema og egin hýstu Kubernetes klustrini, samstundis sum tú tryggjar sporføri (logging) og eftirlit (monitoring), sum stuðla krøvum til compliance og trygd.  Við at varðveita høg tryggleikakrøv og optimera arbeiðsgongdir, verður tú við at menna eitt sterkt undirstøði, bæði fyri trygdardrivnan rakstur og nýhugsandi vørumenning.  Tínar fremstu uppgávur vera Infrakervi og rakstur  Menna og viðlíkahalda Azure-grundarlagið hjá Nema  Menna og viðlíkahalda Kubernetes klustrini  Automatisera deployment arbeiðsgongdirnar fyri at økja um effektivitet og álítandi rakstur  Tryggja høgan tøkleika (high availability) og góða veiting í øllum produktiónsumhvørvum  Kanna og innføra nýggjar mannagongdir til hýsingar umhvørvið fyri at tryggja framtíðar viðlíkahald og møguleika at skalera Logging, monitoring og compliance  Innføra, viðlíkahalda og betra um logging- og monitoring-loysnir, so fult gjøgnumskygni er í skipanunum  Trygd og álítandi rakstur  Áhaldandi menna trygdarkarmarnar fyri infrakervi, deploy-mannagongdir og dagligan rakstur  Fylgja við, finna og loysa veikleikar (vulnerabilities) í umhvørvum okkara  Tvørfakligt samstarv  Samstarva tætt við menningar-, infrakervis-, og produkt toymið fyri at tryggja ómaksleysar sleppingar og samsvar við infrakervið  Geva vegleiðing um best practice innan infrakervi og arkitekturval Luttaka í planlegging og samskipan sum infrakervis- og DevOps-serfrøðingur. Vit vænta tí, at tú Hevur próvførdar royndir sum DevOps-mennari, við kunnleika til Azure og Kubernetes  Hevur roydnir innan CI/CD-pipelines Er kendur við logging-, monitoring- og observability-plattformum Hevur framúr samstarvsevni tvørfakligt – bæði við teknisk og ikki-teknisk toymi  Hevur konstruktivan, analytiskan og trupulleikaloysandi hugsunarhátt við denti á álítandi rakstur og compliance. Afturfyri bjóða vit Eitt fjølbroytt og sjálvstøðugt starv við stórari ábyrgd  Samstarv við eitt sterkt mennaratoymi í einum fleksiblum arbeiðsumhvørvi Góðar møguleikar fyri fakligari menning   Eitt gott arbeiðsumhvørvi við góðum starvsfólkum og einari rúgvu av ágóðum  Góða kantinu og starvsfólka tiltøk árið runt  At leggja afturat Hóast vit hava lýst nakrar kjarnufortreytir til leiklutin, so er tað ikki eitt krav, at tú lúkar øll. Vit leggja dent á at rúma ymiskar royndir og førleikar. Hevur tú bara ein part av nevndu førleikum og brennur fyri at læra og mennast, eggja vit tær til at søkja – her eru nógvir møguleikar fyri fakligari menning og vøkstri.  Um Nema Nema er ein føroysk fyritøka, ið skapar kapping og samstundis gongur á odda í menningini av føroyska samskiftis- og KT-marknaðinum. Nema er ein fyritøka í stórum vøkstri, og okkara úrslit seinastu árini hava verið framúr góð. Harumframt hava vit eitt gott og óformelt arbeiðsumhvørvi við á leið 70 starvsfólkum á okkara deildum í Tórshavn og Klaksvík. Løn og setanartreytir Fasta arbeiðsplássið verður í Nema deildini í Klaksvík. Vit bjóða góðan fleksibilitet í mun til, hvar tú arbeiðir frá og eisini er møguleiki at arbeiða á deildini í Tórshavn, tá tørvur er á tí. Løn verður sambært avtalu. Hevur tú spurningar, ert tú hjartaliga vælkomin at venda tær til menningarstjóra, Jákup Toftum Luid, á teldupost jtl@nema.fo. Tá tú søkir vinarliga send okkum eitt CV saman við eini umsókn, har tú lýsir viðkomandi royndir og førleikar. Umsóknarfreistin er 4. januar 2026. Søk starvið

Nema søkir eftir forritarum

Vit leita eftir forritarum at gerast partur av mennara toyminum á Nema og eftir einum/einari, ið vil geva sítt íkast til menningina av vinnuloysnunum hjá Nema. Sum partur av okkara menningartoymi, fert tú at hava ein avgerandi leiklut í at sniðgeva, innføra og viðlíkahalda okkara loysnir til føroysku vinnuna og kundar okkara.  Tínar fremstu uppgávur vera Software menning: At sniðgeva og menna skalerbarar bakend-tænastur við .NET Core, C# og ASP.NET. Harafturat frontend-menning við Angular  Samstarv: At arbeiða tætt saman við tvørfakligum toymum fyri at levera dygdargóðar softwareloysnir   Optimering og góðsking:  At Áhaldandi optimera skipanaravrik(performance), skalerbarleika og rakstur.  Vit vænta tí, at tú Trygd & compliance: Kann tryggja, at dátur verða handfarnar trygt, í tráð við galdandi reglur og bestu praksis innan ritbúnaðarmenning.  Dátugrunnskunnleiki:  Hevur eina sterka fatan av MS SQL Server og Entity Framework til at sniðgeva og stýra torgreiddum dátumodellum.  Skýggj & DevOps: Hevur hands-on royndir við Azure DevOps, CI/CD-pipelinum og containerization (Docker), sum tryggja effektivar og automatiseraðar dagføringar.  Afturfyri bjóða vit Eitt fjølbroytt og sjálvstøðugt starv við stórari ábyrgd  Samstarv við eitt sterkt mennaratoymi í einum fleksiblum arbeiðsumhvørvi Góðar møguleikar fyri fakligari menning   Eitt gott arbeiðsumhvørvi við góðum starvsfólkum og einari rúgvu av ágóðum  Góða kantinu og starvsfólka tiltøk árið runt  At leggja afturat Hóast vit hava lýst nakrar kjarnufortreytir til leiklutin, so er tað ikki eitt krav, at tú lúkar øll. Vit leggja dent á at rúma ymiskar royndir og førleikar. Hevur tú bara ein part av nevndu førleikum og brennur fyri at læra og mennast, eggja vit tær til at søkja – her eru nógvir møguleikar fyri fakligari menning og vøkstri.  Um Nema Nema er ein føroysk fyritøka, ið skapar kapping og samstundis gongur á odda í menningini av føroyska samskiftis- og KT-marknaðinum. Nema er ein fyritøka í stórum vøkstri, og okkara úrslit seinastu árini hava verið framúr góð. Harumframt hava vit eitt gott og óformelt arbeiðsumhvørvi við á leið 70 starvsfólkum á okkara deildum í Tórshavn og Klaksvík. Løn og setanartreytir Vit hava tørv á forritarum bæði í Tórshavn og Klaksvík. Vit bjóða góðan fleksibilitet í mun til, hvar tú arbeiðir frá. Løn verður sambært avtalt. Hevur tú spurningar, ert tú hjartaliga vælkomin at venda tær til menningarstjóra, Jákup Toftum Luid á teldupost jtl@nema.fo. Tá tú søkir vinarliga senda okkum eitt CV saman við eini umsókn, har tú lýsir viðkomandi royndir og førleikar. Umsóknarfreistin er 4. januar 2026. Søk starvið

Nema søkir eftir netumsitara

Ert tú áhugaður í KT og dámar at arbeiða við netverk og trygd? Vit leita eftir einum eldhugaðum netverksteknikara, sum vil vera við til at tryggja, at netverk og sambond hjá okkara kundum virka trygt, og støðugt. Tú verður partur av einum sterkum netverks-toymi, har tú bæði fært ábyrgd og møguleikan at læra nýggjastu tøknina. Her arbeiða vit við at seta upp, stýra og viðlíkahalda KT- og netverksloysnir hjá kundum kring alt landið. Í okkara fyritøku, verður tú partur av einum samstarvssinnaðum serfrøðingatoymi við møguleikanum at menna eina lønandi yrkisleið á tøkniliga økinum. Tínar fremstu uppgávur vera Uppseting og feilrætting av netútgerð – serliga Fortinet og aðrari netverksútgerð Umsiting av switchum, beinarum og firewalls At tryggja trygd og góðsku í netverksloysnum At geva ráðgeving og tænastu til kundar og starvsfelagar At luttaka í KT-verkætlanum og betra um netverksumhvørvið hjá kundum. Vit vænta tí, at tú Hevur áhuga fyri KT og netverkstøkni og dámar at læra nýtt Arbeiðir skipað, sjálvstøðugt og tekur ábyrgd Dugir at samskifta og samstarva bæði við kundar og toymið Hevur royndir við Fortinet, firewalls ella netinstallatiónum ella ynskir at læra tað Útbúgving innan KT/netverk er ein fyrimunur, men ikki krav. Afturfyri bjóða vit Eitt fjølbroytt og spennandi starv við nógvari ábyrgd og menningarmøguleikum Arbeiði við nýggjastu net- og trygdartøkni og KT-loysnum Góðan arbeiðsanda og eitt sterkt toymi, har vit hjálpast at Góðar møguleikar fyri fakligari menning  Eitt gott arbeiðsumhvørvi við góðum starvsfólkum og fult av ágóðum  Um Nema Nema er ein føroysk fyritøka, ið skapar kapping og samstundis gongur á odda í menningini av føroyska samskiftis- og KT-marknaðinum. Nema er ein fyritøka í stórum vøkstri, og okkara úrslit seinastu árini hava verið framúr góð. Harumframt hava vit eitt gott og óformelt arbeiðsumhvørvi við á leið 70 starvsfólkum á okkara deildum í Tórshavn og Klaksvík. Løn og setanartreytir Løn verður sambært avtalu millum partarnar. Arbeiðsstaðurin verður í Tórshavn. Hevur tú spurningar til starvið, ert tú vælkomin at seta teg í samband við KT stjóra, Frankie Jensen á tlf: 50 20 90 ella við at senda ein teldupost til fje@nema.fo. Umsóknarfreistin er 4. januar 2025. Søk starvið

Nema søkir eftir net teknikkara

Vit leita eftir einum praktiskum og nærlagdum netteknikara til okkara net toymi. Tú verður partur av eini deild, sum arbeiðir bæði úti hjá kundum og á skrivstovuni, við at tryggja at netverk og sambond hjá okkara kundum virka optimalt – bæði hjá vinnu- og privatkundum. Arbeiðið fevnir um uppseting, konfigurering og feilrætting av netútgerð, serliga Fortigate og Cisco, og tú kemur at spæla ein lyklaleiklut í at tryggja eina væleydnaða levering og góða kunduuppliving. Tínar fremstu uppgávur vera Konfigurering, test og levering av beinarum til vinnukundar Uppseting og innlegging av netútgerð hjá kundum Kunda- og toymissamskifti við aðrar deildir og veita tekniskan stuðul Kunda vitjanir hjá privat- og vinnukundum við net- og Wi-Fi trupulleikum Eftirkanning og optimering av netuppseting (beinarar, Wi-Fi og kábling) Dokumentering av arbeiði og uppseting Vit vænta tí, at tú Hevur royndir við samskipan av uppgávum  Hevur góð samstarvsevni og dugir væl at samskifta  Kann arbeiða sjálvstøðugt og tekur ábyrgd  Er opin fyri at læra nýggjar skipanir og hevur tokkan til KT  Hevur fatan fyri fíggjarligum viðurskiftinum og kostnaðarstýring Royndir og útbúgving innan KT er ein fyrimunur.  Ynskiligt, at tú hevur Royndir við Fortinet FortiGate og/ella Cisco geva fyrimun Kunnleika um fipur og netinstallatión Útbúgving sum IT-supportari, elektrikkari ella líknandi tekniska útbúgving Afturfyri bjóða vit Eitt fjølbroytt og sjálvstøðugt starv við stórari ábyrgd Møguleika at arbeiða við nýggjastu net- og trygdartøkni Góðar arbeiðsumstøður og eitt sterkt toymi Góðar møguleikar fyri fakligari menning  Eitt gott arbeiðsumhvørvi við góðum starvsfólkum og fult av ágóðum  Um Nema Nema er ein føroysk fyritøka, ið skapar kapping og samstundis gongur á odda í menningini av føroyska samskiftis- og KT-marknaðinum. Nema er ein fyritøka í stórum vøkstri, og okkara úrslit seinastu árini hava verið framúr góð. Harumframt hava vit eitt gott og óformelt arbeiðsumhvørvi við á leið 70 starvsfólkum á okkara deildum í Tórshavn og Klaksvík. Løn og setanartreytir Løn verður sambært avtalu millum partarnar. Arbeiðsstaðurin verður í Tórshavn. Hevur tú spurningar til starvið, ert tú vælkomin at seta teg í samband við Jóannes Hestoy á telefon 794273 ella við at senda teldupost til jhe@nema.fo. Umsóknarfreistin er 4. januar 2025. Søk starvið

Marknaðarfólk til Nema

Ert tú kreativ/ur og brennir fyri marknaðarføring? Vit leita eftir einum kreativum og ágrýtnum starvsfelaga til okkara marknaðartoymi. Okkum tørvar ein, ið ynskir at brúka sínar kreativu førleikar og sum vil gerast partur av einum toymi, har tað hendir nógv í senn.  Starvið Talan er um eitt fulltíðarstarv við sæti á kontórinum hjá Nema í Havn. Tú verður partur av marknaðardeildini, har nýskapan er lyklaorðið. Marknaðardeildin røkir hópin av uppgávum, ið snúgva seg um beinleiðis marknaðarføring, produktmenning og ymisk átøk á netinum, sosialum miðlum o.s.fr. Tínar uppgávur fara m.a. at fevna um at: Framleiða lýsingar til sosialar miðlar.  Framleiða tekstir til heimasíðu, tíðindabrøv o.s.fr.  Hugskotsmenning og átøk At hjálpa til við at skipa fyri tiltøkum og átøkum. Um teg Tú hevur áhuga fyri og/ella royndir við sosialum miðlum  Tú dugir væl at skriva og samskifta Tú ert kreativ/ur og dámar at hugskotsmenna Tú ert jalig/ur og sjálvstøðug/ur  Tú hevur hug at læra Viðkomandi útbúgving er ein fyrimunur men ikki eitt krav. Vit bjóða Eitt gott, fjølbroytt og spennandi starv í einum professionellum umhvørvi  Møguleika fyri persónligari menning, har tú kanst seta tín dám á arbeiðsdagin Eitt spennandi og læruríkt starv við fjølbroyttum uppgávum Eina rúgvu av starvsfólkafyrimunum  Løn eftir avtalu.  Nema Nema er ein av størstu heildarveitarum innan kunningar- og samskiftistøkni í Føroyum. Her starvast á leið 75 fólk í Havn og Klaksvík, og virksemið er nógv vaksandi á fleiri økjum. Á Nema er eingin dagur eins.   Forvitin? Vilt tú vita meira um starvið, ert tú vælkomin at seta teg í samband við Tóka Ellefsen á Brúgv, privatkundastjóra, á tlf. 502017 ella senda ein teldupost til teb@nema.fo  Umsóknir Umsókn við viðkomandi skjølum skulu vera okkum í hendi í seinasta lagi fríggjadagin 11. Juli. 2025. Samrøður verða hildnar leypandi.  Søk starvið her

Nema søkir eftir sølulærlingi

Ynskir tú at mennast og gerast stinnari innan sølu og kundarøkt?Nema søkir eftir sølulærlingi til handil okkara í Havn. Kom við og verð partur av rúkandi menningini innan kunningar- og samskiftistøkni í Føroyum. Útbúgvingin sum sølufólk tekur á leið 2 ár. Tú kann lesa meir um søluútbúgvingina á heimasíðuni hjá yrkisdeplinum.  STARVIÐTú verður partur av einum toymi, sum veitir serliga ráðgeving og sølu av telefon og internethaldum. Umframt sølu og ráðgeving, fert tú at arbeiða nógv við at fyrireika søluátøk, útgangandi sølu og nógvar aðrar spennandi uppgávur.   Talan er um eitt fulltíðarstarv, har tú fert at húsast hjá Nema í Tórshavn, men uppgávur uttan fyri, kunnu eisini væntast. UM TEG Tú ert hugaður at læra, tænastusinnað/ur, opin og forvitin.  Tú ert fyrikomandi og málsøkin  Tú dugir at arbeiða sjálvstøðugt eins væl sum í toymi Tú dugir at samskifta bæði skrivliga og munnliga Tær dámar at skapa varandi sambond, ið gagna bæði kundanum og handlinum. VIT BJÓÐA Eitt gott, fjølbroytt og spennandi starv í einum professionellum umhvørvi  Møguleikan fyri at menna teg persónliga og fakliga  Møguleikan at seta tín dám á arbeiðsdagin Tú fært uppgávur og ábyrgd í samsvari við tínar vaksandi førleikar Eina rúgvu av starvsfólkaágóðum  Løn og setanartreytir sambært sáttmála. NEMAEr ein av størstu heildarveitarum innan kunningar- og samskiftistøkni. Her starvast á leið 75 fólk í Havn og Klaksvík, og virksemið er nógv vaksandi á fleiri økjum. FORVITIN?Vilt tú vita meira um starvið, ert tú vælkomin at seta teg í samband við handilsleiðara, Sigurð J. Simonsen á tel. 502047 ella á sjs@nema.fo. Umsóknir skulu vera okkum í hendi í seinasta lagi 24. august 2025. Søk starvið

Nema søkir eftir handilsleiðara

Ert tú ein eldsál við áhuga fyri sølu, fólki og at geva kundum eina góða uppliving? Droymir tú um at leiða ein av teimum mest spennandi og fjølbroyttu handlunum í Føroyum? Vit leita eftir einum handilsleiðara, sum kann taka ábyrgdina fyri Nema-handlunum í Tórshavn og í Klaksvík. Tín leiklutur Sum handilsleiðari hjá Nema ert tú altíð tætt við kjarnuna av okkara sølu og tænastu. Tú verður tann, ið tryggjar, at bæði okkara handlar og nethandil koyra við somu Nema-orku, og at vit møta kundunum við einum smíli og við einum “ JA! ” hugburði. Tú kemur at Stýra og røkja dagliga raksturin av handlinum í Havn, arbeiðistíðin er frá 09.30-17.30 Ganga á odda í sølu, við góðum yvirliti yvir vørur, prísir og handilsátøk Leiða eitt toymi av lærlingum og handilsfólki – og tryggja trivna, upplæring og motivatión Taka ábyrgd fyri tænastustøðið, ið vit veita í handlum okkara Saman við marknaðardeildini tryggja kappingarført, sjónligt og livandi úttrykk í handlunum og á nethandlinum Fáa ábyrgd fyri verkstaðnum, nethandlinum og tænastustøðinum – við menning fyri eyga. Vit leita eftir tær sum Brennur fyri sølu, leiðslu og góðari tænastu Hevur skil fyri handilsdrivnum KPI’um og dugir at arbeiða sjálvstøðugt Er jalig/ur, málsøkin og dugir at seta seg í støðuna hjá kundanum Hevur royndir innan handil, kundatænastu, sølu ella leiðslu – við rætta hugburði og ágrýtni Dugir at hugsa um dagligu uppgávurnar, leiðslu, strategi og framtíð. Vit bjóða tær Eitt ábyrgdarfult og fjølbroytt starv í einum dynamiskum og livandi arbeiðsumhvørvi Møguleikan at seta tín dám á hvussu Nema-handilarnir upplivast Tætt samstarv við okkara deildir innan marknaðarførslu, innkeyp, KT-sølu og kundatænastu Møguleikan at leiða eitt toymi, sum hevur funnið seg væl til rættis í okkara "JA"-mentan Starvsfólkaágóðar og løn eftir avtalu. Tíni høvuðsábyrgdarøki Handil & Søla: Útsýni, príslegging, søluátøk og dagføringar Lærlingar: Leiðsla, trivnaður, upplæring og coaching Nethandil: Koordinatión, tilboð og trygd fyri, at alt hongur saman Forvitin? So ring ella skriva til Tóka Ellefsen á Brúgv, privatkundastjóra, á 502017 ella teb@nema.fo. Umsókn Send okkum tína umsókn og viðkomandi skjøl í seinasta lagi týsdagin 22. apríl 2025. Søk starvið her

Nema søkir eftir KT samskipara

Vit leita eftir einum dugnaligum og tænastusinnaðum samskipara til KT deildina á Nema.  Talan er um eitt starv við umsitingarligum og samskipandi uppgávum. Sum samskipari verður tú kjarnin í okkara dagliga rakstri, har tú skalt tryggja eina munadygga samskipan av KT support, søluavgreiðslum og verkætlanum. Tú fært ein týðandi leiklut í at taka tær av øllum inngangandi fyrispurningum og skalt tryggja, at uppgávurnar fara til tey røttu starvsfólkini og fylgja hesum upp. Í hesum starvi fært tú møguleika at arbeiða við nógvum spennandi uppgávum og fólkum við ymiskum KT førleikum. Tú fær somuleiðis eitt sera gott innlit í føroyskar fyritøkur og at menna teg innan KT skipanir, útgerð og tær tænastur, ið vit bjóða.  Tínar fremstu uppgávur vera at: Samskipan og raðfesting av dagligum support- og tænastuuppgávum  At samskipa KT verkætlanir og tryggja góðan rakstur  At vera bindiliður millum KT deildina og restina av fyritøkuni  At menna og fremja mannagongdir til gagns fyri ymisku deildirnar  Vit vænta tí, at tú: Hevur royndir við samskipan av uppgávum  Hevur góð samstarvsevni og dugir væl at samskifta  Kann arbeiða sjálvstøðugt og tekur ábyrgd  Er opin fyri at læra nýggjar skipanir og hevur tokkan til KT  Hevur fatan fyri fíggjarligum viðurskiftinum og kostnaðarstýring Royndir og útbúgving innan KT er ein fyrimunur.  Afturfyri bjóða vit: Eitt spennandi og avbjóðandi starv  Góðar møguleikar fyri fakligari menning  Eitt gott arbeiðsumhvørvi við góðum starvsfólkum og fult av ágóðum  Um Nema: Nema er ein føroysk fyritøka, ið skapar kapping og samstundis gongur á odda í menningini av føroyska samskiftis- og KT-marknaðinum. Nema er ein fyritøka í stórum vøkstri, og okkara úrslit seinastu árini hava verið framúr góð. Harumframt hava vit eitt gott og óformelt arbeiðsumhvørvi við á leið 70 starvsfólkum á okkara deildum í Tórshavn og Klaksvík. Løn og setanartreytir: Løn verður sambært avtalu millum partarnar. Arbeiðsstaðurin verður í Tórshavn og Klaksvík. Hevur tú spurningar til starvið, ert tú vælkomin at seta teg í samband við Frankie Jensen á tlf. 502090.  Umsóknir og avrit av viðkomandi skjølum, skulu sendast inn á leinkjuna niðanfyri. Søk starvið her Umsóknir skulu vera okkum í hendi í seinasta lagi 20. februar 2025.

Sølufólk til okkara vinnutoymi

Nema leitar eftir einum røskum og forvitnum persóni at gerast partur av okkara dynamiska sølutoymi. Talan er um eitt sera spennandi og læruríkt starv, har tú fert at selja ta nýggjastu tøknina og loysnirnar, vegleiða og hjálpa okkara kundum – og samstundis vera við til at skapa spildurnýggjar loysnir til alt tað føroyska vinnulívið. Fremsta uppgávan hjá tær verður: Søla av KT útgerð til vinnukundar Men eisini: Søla av samskiftis- og KT loysnum Røkt av kundum Hjálpa føroyska vinnulívinum at mennast Vit vænta tí, at tú: Hevur skil fyri KT Hevur høgt tempo og ert fleksibul Dámar og hevur lætt við at skilja og seta teg inn í nýggja tøkni Arbeiðir væl sjálvstøðugt og dugir at hugsa nýtt Hevur royndir við sølu og torir at vera uppsøkjandi Afturfyri bjóða vit: Eitt fjølbroytt og persónliga mennandi starv Góðar umstøður, gott samanhald og fult av ágóðum Eitt arbeiðspláss við fullari ferð og rúkandi menning Møguleikan at flyta føroyska vinnulívið inn í framtíðina Um Nema: Nema er ein føroysk fyritøka, ið skapar kapping og samstundis gongur á odda í menningini av føroyska samskiftis- og KT-marknaðinum. NEMA er ein fyritøka í stórum vøkstri, og okkara úrslit seinastu árini hava verið framúr góð. Harumframt hava vit eitt gott og óformelt arbeiðsumhvørvi við á leið 70 starvsfólkum á okkara deildum í Tórshavn og Klaksvík. Løn og setanartreytir: Løn verður sambært avtalu millum partarnar. Vilt tú vita meira um starvið, ert tú vælkomin at ringja til Róa B. Poulsen, sølustjóra, á tlf. 50 20 80. Umsóknir og avrit av viðkomandi skjølum, skulu sendast inn á leinkjuna niðanfyri Søk starvið her Umsóknir skulu vera okkum í hendi í seinasta lagi fríggjardagin 18. oktobur 2024.

Sølulærlingur til Nema

Droymir tú um eina spennandi yrkisleið innan sølu og kundarøkt? Nema søkir eftir einum ágrýtnum og tænastusinnaðum sølulærlingi til okkara sølutoymi í Tórshavn. Kom og verð partur av okkara dynamiska umhvørvi innan kunningar- og samskiftistøkni, har tú kanst menna tínir søluførleikar og skapa varandi sambond við okkara kundar. Um starvið Sum sølulærlingur, hjá Nema, verður tú partur av einum toymi, ið arbeiðir við ráðgeving og sølu av telefon- og internethaldum. Tú skal vegleiða kundum bæði í handlinum, umvegis telefon og teldupost. Tú kemur m.a. at luttaka í fyrireiking av søluátøkum og øðrum spennandi uppgávum. Starvið fevnir um inngangandi og útgangandi sølu, har tú sleppur at arbeiða beinleiðis við kundum. Um teg  Vit leita eftir tær, sum er: Tænastusinnað/ur, opin og forvitin Ágrýtin, áhaldandi og málsøkin Dugir væl at arbeiða sjálvstøðugt eins væl sum í toymi Køn/ur í at skapa góð sambond við kundar Dugir at finna loysnir, ið gagna kundanum Lærunemm/ur og áhugað/ur í sjálvmenning Hevur rímiligan telduførleika. Vit bjóða tær Eina yrkisútbúgving sum sølufólk, les meira um útbúgvingina her.Eitt fjølbroytt starv í einum livandi og framfýsnum arbeiðsumhvørvi, har tú fært møguleika at menna teg persónliga og fakliga. Tú verður partur av einari fyritøku, har trivnaður og góðska eru í hásæti. Vit leggja dent á, at tú fært ábyrgd og møguleikar í samsvari við tínar førleikar og áhuga. Løn og setanartreytir sambært sáttmála. Nema Nema er ein av størstu veitarum av kunningar- og samskiftistøkni í Føroyum. Vit eru á leið 75 starvsfólk, staðsett í Havn og í Klaksvík, og virksemi okkara er í stórari menning. Forvitin?  Hevur tú spurningar um starvið, ert tú vælkomin at seta teg í samband við Privatkundastjóran, Tóka Ellefsen á Brúgv, umvegis teldupost teb@nema.fo ella telefon +298 502017 Umsóknir  Umsóknir og avrit av viðkomandi skjølum, skulu sendast inn á leinkjuna niðanfyri Søk starvið her Umsóknir skulu vera okkum í hendi í seinasta lagi fríggjardagin 27. septembur 2024.