Tvungin ella lógarkravd eftirløn pr. 1. januar 2025
Tvungin ella minstakrav fyri lógarkravda eftirløn skal broytast frá 10% til 11% pr.1. januar 2025. Henda eftirlønin hækkar við 1% hvørt árið fram til 2026, tá hon er komin uppá 12%. (Sí kunngerdaportalur.fo 69/2015).
Hetta er galdandi fyri øll frá 0 ár til pensjónsaldur.
Undantak kann gevast útlendingum við arbeiði í Føroyum í styttri áramál.
Tó er eitt “bagatell” mark sett uppá eftirløn undir 30 kr..
Tvs., at inntøka íroknað frítíðarløn/ískoyti upp til 272,73 kr. er undantikin kravi um eftirløn. ( 11% av 272,73 kr = 30 kr.)
Ynskir ein at koma undir hetta mark, ber til í lønarportalinum at deila viðkomandi upp í fleiri linjur, men er eftirlønin ov lág uppá ársbasis, fær viðkomandi løntakari eina heilsan frá TAKS um at gjalda munin.
Tey, sum fáa fólkapensjón (frá 67½ ára aldri), kunnu IKKI fáa eftirløn. Tað noktar lønportalurin fyri. Hava arbeiðsgevarar skyldu til at gjalda hesum eftirløn, tí sáttmáli ella avtala sigur tað, so má arbeiðsgevari útgjalda hesum sína eftirløn sum vanliga løn. Hetta verður vanliga gjørt við at stovna ein “frádrátt” til “útgoldna eftirløn”.
Tey, sum hava lógarkravda ella tvungna eftirløn í síni lønarskipan, skulu broyta eginpartin frá -10% til -11% og eftirlønina frá 10% til 11%,
Um ein hevur brúkt satsin 11,2%, skal hesin broytast til -12,32% og 12,32%.
Um ein hevur brúkt satsin 10,15%, skal hesin broytast til -11,17% og 11,17%.
Tvungin eftirløn verður roknað av allari A-inntøku íroknað frítíðarløn/ískoyti.
Vanlig eftirløn verður roknað av allari A-inntøku men ikki íroknað frítíðarløn/ískoyti.
Far inn á “Uppseting” / “Arbeiðsgevari” og rætta alarmin “Ávara um eftirløn er minni enn x% av løn + frítíðarløn” til 11.
So ávarar Nema Løn um at rætta okkurt, áðrenn lønportalurin støðgar tær við reyðari linju.
Gjaldið til Arbeiðsmarknaðareftirlønargrunnin er óbroytt 3,0%. (Sí kunngerdaportalur.fo 70/2018)
Gjaldið til Barsilsskipanina er óbroytt 0,86%. (Sí kunngerdaportalur.fo 171/2020)
Gjaldið til Vinnusjúkragrunnin er óbroytt 0,10%
(Gjaldið til Barsils- og Vinnusjúkragrunnin verða kravd inn saman).
Gjaldið til Arbeiðsloysisskipanina er óbroytt 0,8%, (Sí kunngerdaportalur.fo 107/2023)
Samlaða gjaldið til hesi almennu gjøldini er sostatt óbroytt 4,76%
Gjaldið til Trygdargrunn Fiskivinnurnar er óbroytt 0,6%. (Sí kunngerdaportalur.fo 121/2016)
Við at opna hesa niðanfyri standandi fílu “arsendi24.pdf” kanst tú lesa um, hvat skal gerast í samband við ársskiftið 2024/25 hjá teimum við dos-lønarskipan og dos-klokkuskipan.
Tey, sum hava ALS Fiskavirkisskipan í dos-lønarskipan, skulu taka hesa niðanfyri standandi fílu “ALSSKEMA.TXT” niður og goyma hana (høgraklikk og gem som) í directory ..\AVRLON. (Vanliga c:\avrlon). Svara J fyri at yvirskriva.
Hesaferð inniheldur fílin øll árini frá 2025-2035, so hetta skal ikki gerast aftur fyrr enn í 2036, um Fiskaskipanin framvegis er í gildi sum nú.
Um tú ivast, hvar lønarskipanin liggur, kanst tú høgraklikkja á ikonið fyri lønarskipan og hyggja undir “egenskaber”.”
Tey, sum nýta lønaskipan Nema Løn (forritað í windows, .net og sql), skulu ikki gera nakað serligt ísamband við nullstilling av lønartotalum. Alt er datostýrt.
Verður víst til grein ovast um at rætta tvungna eftirløn.
Tað ber til at marka ein ella fleiri frádráttir í senn og velja ”Dagfør satsir við Nema” uttast til høgru. T.d. um tit hava hesar ella nakrar av hesum: 9400,9410,9412,9414,9416 og 9418
Tey við Fiskavirkisskipan (á flakavirkjum) skulu velja at dagføra FV-skeiðini fyri 2025. Hesaferð inniheldur fílan øll árini frá 2025-2035, so hetta nýtist ikki at ajourførast aftur fyrr enn í 2036, um Fiskaskipanin framvegis er í gildi sum nú.
Hetta gera tey við at velja “Fiskavirkisskipan” og síðani velja “Innles FV-skeið NEMA dagføring”.
Tey, sum nýta avrokning av fiskiskipum, skulu rætta eftirlønir í % hjá manning pr. 1. januar 2025.
Hear mugu broytast frá 10 ella -10 til 11 ella -11.
Hjá teimum, sum nýta forskot, má flugubein verða sett í at rokna av frítíðarløn eisini.
Vel listar, vel frádráttir og rætta hesar:
8720, 8722, 8724 og 8728 hjá S&N
8750, 8752, 8754 og 8758 hjá MF
8780, 8782, 8784, 8786 og 8788 hjá FF
Tað kunnu verða onnur nummur hjá onkrum, men mátin er tann sami.
Annars ber til at marka ein ella fleiri frádráttir í senn og velja ”Dagfør satsir við Nema” uttast til høgru.
Flestu reiðaríir brúka bráðtrygging frá Betri.
Felags tryggingargjaldið umborð skal broytast pr.1.1.2025 frá 171,96 kr. til 178,21 kr. um mánaðin.
Orsaka av rokniháttinum av hesum frádrátti viðvíkjandi restsaldo, so skal hetta skiftið gerast uppá ein serligan máta:
Satsurin á frádrátti 9141 og 9142 skal verða tann upprunligi (171,96 kr.) !!
Vel frádráttir.
Marka frádrátt “9141 Betri Pensjón Viðbót Trygging”
Vel persónar uttast til høgru
Vel Broyt uttast til høgru.
(Nýggj linja kemur fram.)
Set flugubein í “Regulera við restsaldo”
Vel knøtt “Áset nýggja dato”
Vel knøtt “Goym broytingar”
Vel knøtt “Gevast”
Marka frádrátt “9142 Betri Pensjón Gjald trygging”
Vel persónar uttast til høgru
Vel Broyt uttast til høgru
Set flugubein í “Regulera við restsaldo”
Vel knøtt “Áset nýggja dato”
Vel knøtt “Goym broytingar”
Vel knøtt “Gevast”
Broyt frádrátt 9141 og set sats til 178,21 og goym
Broyt frádrátt 9142 og set sats til 171,21 og goym
Tey, sum nýta gomlu lønarskipanina, skulu velja forrit HF á forsíðuni (um enn onki HF sæst)
og har rætta linju d) og h) og l) frá -10 og10 til -11 og 11.
Tey, sum nýta web-lønaskipan Net Løn skulu ikki gera nakað serligt ísamband við nullstilling av lønartotalum. Alt er datostýrt.
Somuleiðis er dagføring av almennum gjøldum og lógarkravdari eftirløn sjálvgjørt.
